MTV Video Music Awards

D’ MTV Video Music Awards (kurz VMAs) waara zitter 1984 vum US-àmerikàànischa Farnsahsander MTV verlììha. ’S ìsch zamma mìt MTV Europe Music Awards (EMA) d’ wìchtigschta MTV-Priisverlaihung. D’ Verànschtàltung düürt äbba dräi Schtunda un fìndet äntwaader And Àuigscht odd’r Ààfàng Septamber schtàtt.^[1] D’ Priisverlaihunga fìnda normààlerwiis z’ Näi York odd’r Los Angeles; a pààr Zeremonia sìnn àui z’ Miami un Las Vegas àbg’hàlta worra. Ànna 2019 hàt d’ Verlaihung zem äärschta Mol z’ Newark (New Jersey) schtàttg’funda; ànna 2023 ìsch nochamol d’ Zeremonii därt àbg’hàlta worra.^[2] ’S sìnn äbba 20 Kàtegorii un jeedsjoohr äbba 15 Live-Ufftrìtta vu bekànnta Schtars.^[1]

Ànna 2009 hann d’ MTV Video Music Awards ìhr 25-joohrig-Jubileeum g’fiirt. D’ Verànschtàltung ìsch vu dr Britney Spears g’äffnet worra. Dr Pokààl, wo-n-a Ràuimschìfffààhrer dàrschtällt, trajt dr Schpìtznàmma Moonman. D’ MTV Video Music Awards sott maa nìt mìt da MTV Movide Awards verwacksla.^[1]

Ànna 2020 hann d’ VMAs waaga dr COVID-19-Pàndemii zem äärschta Mol ìn ìhrer G’schìcht ìn dr fräija Luft schtàttg’funda, fìr d’ gsätzliga G’sundhaitsrìchtliinia g’waahrlaischta.^[3][4]

1. ↑ ^{1,0 1,1 1,2} Dia Informàzioona sìnn üss’m Àrtìkel MTV Video Music Awards ìn dr hoochdiitscha Wikipedia ìwwernumma worra.
2. ↑ Dia Informàzioona sìnn üss’m Àrtìkel MTV Video Music Awards ìn dr anglischa Wikipedia ìwwernumma worra.
3. ↑ MTV Video Music Awards sollen im Freien stattfinden. In: Frankfurter Allgemeine Zeitung. 8. August 2020, abgruefen am 3. April 2024. 
4. ↑ MTV's Video Music Awards drops plans for indoor show due to coronavirus. Reuters, 8. August 2020, archiviert vom Original am 7. Dezember 2022; abgruefen am 3. April 2024 (britischs Änglisch).